љ & а

КАКО ДА СЕ ПОВРАТИ ДАНОКОТ НА ДОДАДЕНА ВРЕДНОСТ?

Од воведувањето на данокот на додадена вредност до денес граѓанските и другите меѓународни организации, преземаат активности за враќање на ДДВ. Која е законската рамка и како е тоа регулирано? На ова прашање, како одговор пренесуваме дел од Законот за ДДВ.

“Ако износот на претходниот данок во одреден даночен период е поголем од износот на данокот кој е пресметан за прометот, раз­­ликата му се враќа на даночниот обврзник врз основа на не­го­во барање кое го искажува во даночната пријава. Ако даночниот обв­­­рз­ник не искаже такво барање, разликата се пренесува како да­ночна аконтација за следниот даночен период.

Разликата на данокот од став 1 на овој член се враќа во рок од 30 дена по денот на поднесувањето на даночната при­ја­ва.

Доколку надлежниот даночен орган е оневозможен да изврши контрола на да­но­чната пријава по вина на даночниот обврзник, рокот од став 2 на овој член поч­нува да тече дури откако се соз­да­де­ни услови за спроведување на кон­тро­ла­та.

Неплатените даноци (данок на додадена вред­ност и други даноци) на даночниот обврз­ник, како и казнените камати за нив се пребиваат со побарувањата за ис­пла­та според став 1 од овој член.

Кога данокот на додадена вредност при увоз­от е пресметан и наплатен на добра кои се ослободени од данокот, или кога се наплаќа поголем данок на износот кој според овој закон се должи, напла­те­ни­от данок, односно повеќе наплатениот да­нок му се враќа на лицето кое нема или има делумно право да го одбие прет­ход­ниот данок, во рокот од став 2 на овој член.

Ако данокот не се врати во рокот од ста­во­вите 2 или 3 на овој член, на даноч­ни­от обврзник му се исплаќа камата во ви­с­­ина од 0,05% за секој ден за­до­цну­ва­ње.

Враќање на данок за даночните обврзници кои немаат седиште или придружница во Македонија
По исклучок од одредбите на членовите од 39 до 45 на овој закон и во случај на постоење реципроцитет, на даночните обврзници кои немаат седиште или подружница во земјата и кои не из­вр­шу­ваат никаков промет во неа, или кои не должат данок за прометот ќе им се исплати, по барање, претходниот данок кој може да се од­бие според членовите од 33 до 36 на овој закон, според по­себ­на постапка која ја пропишува министерот за финансии.

Враќање на данок за непрофитните организации
На непрофитните организации им се одобрува, по барање, вра­ќа­ње на данокот за промет на добра и за увозот реализиран спрема нив по следниве услови:

-  Прометот или увозот да не биле ослободени од данок;
-  Да­нокот на додадена вредност за извршениот промет на добра мора да е посебно искажан во фактурата во смисла на член 53 на овој закон и да бил платен со плаќањето на купопродажната це­на;
-  Данокот долгуван за увозот мора да е платен; и,
-  Добрата мора да се пренесени во странство и таму да се користат за хуманитарни, добротвори или образовни цели.

Министерот за финансии се овластува да ја уреди постапката за исплата и да ги пропише условите за докажување на правото за исплата.

Враќање на данок за странските дипломатско или конзуларни претставништва
Доколку странското дипломатско или конзуларно претставништво набави добра или користи услуги за службени потреби, на ба­ра­ње на претставништвото ќе му се изврши враќање на да­но­кот на до­дадена вредност, доколку е платена фактурата и доколку во ис­тата е одделно искажан данокот на додадена вредност од стр­а­на на даночниот обврзник според член 53 на овој закон. Вра­ќа­ње­то се врши врз основа на посебни спогодби склучени со др­жа­ва­та испраќач, во согласност со условите на реципроцитет. Вра­ќа­ње­то ќе се одбие, доколку износот на фактурата не надминува 5.000 денари, вклучувајќи го данокот на додадена вредност.

Во согласност со став 1 на овој член, враќањето на данокот на до­да­дена вредност му се одобрува и на шефот на дипломатското прет­ста­вништво, на членовите на дипломатскиот персонал на стран­ското дипломатско претставништво, како и на конзуларните фун­кционери, доколку наведените лица стекнале добра или ко­ри­сте­ле услуги за лични потреби или за потреби на членовите на се­мејствата кои го сочинуваат нивните домаќинства. Во тој слу­чај, враќањето се ограничува на вкупен износ од 50.000 дена­ри за соодветната календарска година.

Се овластува министерот за финансии да ги регулира поедин­ости­те на постапката за враќање.

Враќање на данок на меѓународните организации
Данокот на додадена вредност ќе им се врати, на барање, на ме­ѓу­на­родните организации и нивните членови за прометот на до­бра или услуги извршени спрема нив, според условите и ог­ра­ни­чу­ва­ња­та утврдени со меѓународни спогодби.

Поединостите во поглед на постапката за враќање ги регулира ми­нистерот за финансии.

Извадок од Законот за ДДВ