|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
“Фронт 21/42”
Климатските промени и рециклирањето меѓу учениците
Граѓанската организација „Фронт 21/42”, со поддршка на Британската амбасада, под мотото „Нашата клима се менува - мора да се промениме и ние”, ја започна националната кампања за подигнување на јавната свест за климатските промени. Кампањата се спроведува во средните училишта низ државата, каде што тим на борци против климатските промени, во најголемиот дел средношколци, ги едуцираат своите врсници.
Во анкетата спроведена од „Фронт 21/42” средношколците покажале големо незнаење за причините за климатските промени, оценувајќи ги како божја волја или пак резултат на промени во природата. Целта на кампањата е младите да се запознаат со своите постапки кои придонесуваат за климатски промени и како да го насочат своето однесување за да направат разлика. За таа цел, изработен е и ТВ спот, а во соработка со „Македонски шуми” ќе биде спроведена и акција за засадување на 28.000 садници на различни локации. Во текот на кампањата се користат искуствата на Велика Британија, која е единствената држава во светот со закон за оваа проблематика.
Британската амбасада во Македонија, заедно со Шведската агенција за меѓународна соработка (СИДА), ќе го финансира и проектот „Сите сме заедно во кругот” на „Фронт 21/42”. Средношколците во Гостивар, во рамките на проектот, започнаа со програма за селекција и откуп на пластична ПЕТ-амбалажа во своите училишта.
Ова е прва организирана и континуирана програма за рециклирање во нашата земја, која ги вклучува сите елементи за „затворање на кругот” - потрошувачи, посебни места за собирање на амбалажата, како контејнери за ПЕТ-пластика, дефинирани термини за оставање на пластичниот отпад и организиран откуп од страна на приватна компанија. „Фронт 21/42” организира работилници за градење на капацитетите на работните групи, а во рамките на проектот се набавија компјутери, печатачи и канцелариски материјали со кои се опремија работните кабинети за секоја работна група. „Фронт 21/42” склучи договор за откуп на собраната амбалажа со приватната компанија „ЕкоПет”. Сите средства добиени од откупот компанијата директно ќе им ги префрла на училиштата.
С.Н
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
